Subtotal ₨ 0
Table of Contents
What are the symptoms of this syndrome?
اس سینڈروم کی کیا علامات ہیں؟ اور اس کے لیے کیا احتیاط ہے؟
پیریڈز اپنے ساتھ بہت سے مسائل اور اندیشے لے کر آتے ہیں۔ایک قدرتی مسئلہ ہونے کے باوجود خواتین ان مسائل کو قبول نہیں کر پاتی۔ہر عورت کے ہارمونز مختلف ہوتے ہیں۔ اس لیے سب میں ہارمونز کے مسائل بھی مختلف ہوتے ہیں۔ کسی میں ہارمونز بدلنے کی رفتار تیز ہوتی ہے اور کسی میں انتہائی آہستہ ہوتی ہے۔ ہارمو نز کی تبدیلی ماہواری سے دس دن پہلے ہونے لگتی ہے۔ جن میں سے اکثر خواتین کو یہ تبدیلی اسی دن سے محسوس ہونے لگتی ہے۔ ہارمونز کی یہ تبدیلی کی وجہ سے کسی بھی بھی طرح کا بخار، ٹانگوں میں درد، پیٹ درد، چڑچڑا پن، مہاسوں کا نکلنا، چھاتی کا بھاری ہونا اور ڈپریشن جیسے مسائل جنم لیتے ہیں۔
ماہواری میں ہونے والے مسائل میں سب سے زیادہ ہونے والا مسئلہ ڈپریشن ہے۔ اس دوران خون کا بہاؤ تیز، تکلیف کا احساس زیادہ اور چڑچڑے پن ہو جاتا ہے۔ پیریڈز شروع ہونے سے پہلے بہت سی خواتین ڈپریشن کا شکار ہو جاتی ہیں ۔انکے لئے یہ پیریڈ کسی ڈراؤنے خواب سے کم نہیں ہوتا۔ بہت سی خواتین اس مسئلے کا انتہائی حد تک شکار ہو جاتی ہیں جس کی وجہ سے ان کا گھر اور ساتھ رہنے والے افراد بھی متاثر ہوتے ہیں۔
خواتین کی یہ حالت پری مینسٹرل سینڈروم یعنی پی ایم ایس یا پھر عام زبان میں پیریڈز سے پہلے کا سینڈروم کہتے ہیں۔۔
قبل از ماہواری سینڈروم یا PMS ایک عام ذہنی حالت ہے۔ ایک سروے کے مطابق ہر 10 میں سے 6 خواتین پیریڈز سے پہلے PMS کی علامات محسوس کرتی ہیں۔ ان میں 3 سے 8 خواتین میں یہ علامات سنگین نوعیت کی ہوتی ہیں۔
قبل از ماہواری سینڈروم
پی ایم ایس یا پری مینسٹرل سینڈروم کیا ہے؟
پی ایم ایس وقفے وقفے سے محسوس ہونے والی جسمانی بے سکونی کے ساتھ ساتھ عورت کی نفسیات اور رویے میں تبدیلی کو کہتے ہیں۔ یہ تبدیلیاں خواتین ماہواری سے پہلے محسوس کرتی ہیں۔ PMS پیریڈز سے ایک سے دو ہفتے پہلے نمودار ہوتا ہے اور پیریڈز ختم ہونے کے فوری بعد غائب ہو جاتا ہے۔ سنگین کیسوں میں اس سینڈروم سے روزمرہ کے کاموں، روزمرہ کی زندگی اور دوسرے لوگوں سے تعلقات پر اثر پڑتا ہے۔
پی ایم ایس کی علامات کیا ہیں؟
✓وزن بڑھنا
✓سر درد
✓تھکان اور کمزوری
✓چھاتیوں کا سوجھ جانا
✓اچانک مزاج تبدیل ہونا اور چڑچڑاپن
✓معمول سے زائد حِسّاسیت
✓ناراضگی اور چڑچڑاہٹ
✓تشویش
✓تناؤ
✓ڈپریشن
✓رونا
✓ایکنی(چہرے پر دانے
✓توجہ مرکوز کرنے میں مشکلات یعنی کسی کام پر concentrate کرنے میں مشکل پیش آنا
✓بھلکڑ پن
✓کسی بھی بات پر غیر متوقع اور اچانک ردِ عمل دینا
✓سونے میں مشکلات، بے خوابی یا نیند میں رہنا
✓بھوک میں تبدیلی اور کھانوں کی پسند ناپسند میں تبدیلی
✓زیادہ میٹھی اور زیادہ چکنائی والی چیزوں کی طلب
پی ایم ایس کیوں ہوتا ہے؟
اس کی دو قسم کی وجوہات ہیں
جسمانی وجوہات میں ہارمونز کا غیر متوازن ہونا
نفسیاتی و سماجی عوامل میں
روزمرہ زندگی میں ذہنی دباؤ اور زندگی کے حوالے سے سوچ PMS ہونے میں اہم کردار ادا کرتے ہیں۔جدید دور میں خواتین کو معاشرے اور خاندان میں جو کردار نبھانے پڑتے ہیں اور ان کے لیے جس دباؤ سے انھیں گزرنا پڑتا ہے، وہ بھی PMS ہونے میں کردار ادا کرتے ہیں۔ ایسی خواتین جو کم ذہنی دباؤ کا شکار ہیں اور اپنی مختلف زمہ داریاں کامیابی اور سہولت سے نبھا رہی ہیں، ان میں PMS کی علامات بھی کم شدید حالت میں نظر آتی ہیں۔ اس کے برعکس، وہ خواتین جو اپنی زمہ داریوں کے حوالے سے تضاد کا شکار ہیں اور اپنی زندگی سے غیر مطمئن ہیں، ان میں PMS علامات کی رونمائی اور شدت بھی زیادہ ہے۔
کیسے پتہ چلتا ہے کہ آپ کو ہونے والا ڈپریشن پی اہم ایس کی وجہ سے ہے یا نہیں؟
اِن علامات کی تشخیص کے لئے کوئی لیباریٹری ٹیسٹ دستیاب نہیں ہیں۔ آپ کی ڈاکٹر ہی اس بات کا جائزہ لے سکتی ہیں کہ آپ کو ہونے والا ڈپریشن periods شروع ہونے سے پہلے ہی رہتا ہے یا مستقل۔آپ کا ڈپریشن کا دورانیہ کب سے کب تک کا ہوتا ہے اس کے علاؤہ آپ میں پی ایم ایس کی علامات پانچ یا اس سے زائد پائی جاتی ہیں یا نہیں ؟
اگر آپ سمجھتی ہیں کہ آپ کو پی ایم ایس ہو سکتا ہے تو آپ کوچاہئے کہ اپنی دو ماہ کی ماہواری کے درمیان ہونے والی کیفیت کاجائزہ لیں اور انھیں نوٹ کریں۔ان علامات کو مکمل طور پر نوٹ کریں کہ یہ علامات کب سے کب تک ظاہر ہوتی ہیں اور کب ختم ہوتی ہیں۔
اگرآپ کو پہلے ہی سے ڈپریشن اور کشیدگی کے مسائل کا سامنا ہے اور (periods) شروع ہونے سے پہلے ان مسائل میں مزید اضافہ ہو جاتا ہے تو آپ کو PMS نہیں سمجھا جائے گا۔
ایسی صورتحال میں ڈاکٹر پہلے آپ کے ڈپریشن کا علاج کرے گی اس کے بعد ہی وہ اس صورتحال کا صحیح طور پر جائزہ لینے کے قابل ہو پائے گی کہ آیا آپ PMC کے مسئلے کا شکار ہیں یا نہیں۔
پی ایم ایس کا علاج کیسے کیا جاتا ہے؟
طرز زندگی میں تبدیلی
ورزش کواپنی روٹین میں شامل کریں کیونکہ ورزش عام طور سے موڈ کو خراب ہونے سے بچانے اور pre menstrual
پری مینسٹرل علامات میں کمی لانے میں مددگار رہتی ہے
ایروبک ورزش جیسا کہ جاگنگ، ایروبک ڈانس، سیڑھیاں چڑھنا اس کے ساتھ ساتھ کھنچاؤ کی ورزش جیسا کہ یوگا اور جسم کو ہلکا پھلکا کھنچاؤ دینا ۔ اس سے جسم میں خون کی گردش تیز ہوتی ہے، پٹھے راحت حاصل کرتے ہیں اور دماغ تروتازہ ہو جاتا ہے جس سے PMS کی علامات میں کمی آ جاتی ہے۔
غذا میں تبدیلی
اپنی غذا سے چینی اور کیفین کو کم کر دیں اور اہم غذائی اجزاء کی سطح بڑھانے پر توجہ دیں۔ایک مطالعہ کے مطابق 600 ملی گرام کیلشیم دن میں دو دفعہ لینے سے اور مچھلی کے تیل کے استعمال سے ان مسائل سے بچا جاسکتا ہے۔بہت سا کھانا ایک وقت کھانے کے بجائے وقفے وقفے سے تھوڑا تھوڑا کرکے کھائیں۔ زیادہ نمک والی غذائیں، محفوظ کردہ خوراک ،
زیادہ چکنائی والی غذائیں اور زیادہ چکنائی والی منصوعات مکھن اور پنیر وغیرہ کھانے سے پرہیز کریں۔
سیرل وغیرہ کا ناشتہ ، سفید روٹی، دلیہ ،مکئی،سبز پتوں والی سبزیاں ،گاجر ، گریاں اور کاجو، مونگ پھلی، وغیرہ کو اپنی خوراک کا حصہ بنائیں۔
مانع حمل کی ادویات
برتھ کنٹرول پلز جسمانی اورجذباتی صلاحیت پر اثرانداز ہوتی ہیں۔ ان میں سے بہت سی ادویات جسمانی اور ذہنی صحت کے لئے نقصان کا سبب بنتی ہیں اسی لئے قابل اعتماد ڈاکٹر کے مشورے کے بغیر یہ پلز استعمال نہ کریں۔
نفسیاتی علاج
اس میں سٹریس ریلیف اور ریلیکس کرنے کی ایکسرسائز شامل ہیں۔ اس علاج کے ذریعے لوگوں کی موجودہ صورتحال کو تبدیل کرنے میں مدد ملتی ہے۔یہ تھراپی premenstrual علامات میں بھی موثر ثابت ہوتی ہے۔
اِن باتوں پر عمل کرنے سے کچھ خواتین کو فائدہ حاصل ہو سکتا ہے ۔مزید یہ کہ بعض مطالعات سے یہ ظاہر ہوتا ہے کہ وٹامن B6، وٹامن E، کیلشیم ،اور میگنیشیم کو سپلیمنٹ کے طور پر لینے سے بھی فائدہ حاصل ہو سکتا ہے۔لیکن بعض عورتوں میں یہ علامات بہت شدید ہوتی ہیں اور اُنہیں ڈاکٹر کے علاج کی ضرورت ہوتی ہے ۔
