کیا بہترین غذا کے استعمال سے زہنی صلاحیت کو بڑھا سکتے ہیں؟  اس کے علاؤہ کون سی غذائیں دماغی صحت کو متاثر کرتی ہیں؟

تلی ہوئی چیزوں کا استعمال

تلی ہوئی چیزیں کھانے میں تو بے حد مزیدار ہوتی ہیں مگر ہم نے کبھی یہ سوچا ہے کہ انہیں کھانے سے ہماری صحت پر اس کے کیا اثرات مرتب ہوتے ہیں؟ تلی ہوئی اشیاء کھانے سے انسان موٹاپے کا شکار ہو جاتا ہے اور جسم میں کولیسٹرول کی مقدار بھی بڑھ جاتی ہے۔ موٹاپے کا تعلق براہ راست دماغ سے ہوتا ہے کیونکہ موٹاپے سے انسان سُستی کا شکار ہو جاتا ہے اور آہستہ آہستہ دماغ اپنی قدرتی صلاحیت سے محروم ہوتا رہتا ہے۔

گوشت کا ضرورت سے زیادہ استعمال

گوشت انسان کی صحت کے لیے فائدہ مند تو ہے مگر اس کا ضرورت سے زیادہ استعمال انسان کو بیماریوں کی طرف لے جاتا ہے۔

تحقیق کے مطابق خوراک میں گوشت کے استعمال کو معمول بنانے سے الزائمر کی بیماری ہونے کے خدشات پیدا ہو سکتے ہیں۔ اس بیماری میں عارضی طور پر انسان کی یاداشت کمزور ہو جاتی ہے۔۔ گوشت میں آئرن وافر مقدار میں پایا جاتا ہے، اگر ہم روز آئرن کا اضافی استعمال کر یں گے تو اس سے دماغ کی صحت متاثر ہونے کے خطرات لاحق ہو سکتے ہیں۔

انسان کا نظام انہضام خوراک سے توانائی حاصل کر کے جسم اور دماغ کو فراہم کرتا ہے لیکن بعض خوراک میں ایسے غزائی اجزا ہوتے ہیں جو دماغ کی صلاحیت کو بڑھانے میں مددگار ثابت ہوتے ہیں تاہم چند قدرتی طریقوں سے بھی دماغ کی صلاحیت کو بڑھایا جاسکتا ہے۔   

روزہ مرہ کی زندگی میں انسان کی خوراک اور ارد گرد کا ماحول ذہنی صلاحیت پر براہ راست اثر کرتا ہے اس لئے ماہرین ذہنی صلاحیت بڑھانے کے لئے غذائیت سے بھرپور اور متوازن خوراک کھانے کا مشورہ دیتے ہیں