Subtotal ₨ 0
موسم بدلتے ہی نزلہ، زکام، کھانسی ،ناک بہنا وغیرہ اور اس طرح کے دیگر مسائل کوئی نئی بات نہیں۔اس طرح کی بیماریاں چھوٹے بچوں پر زیادہ جلدی اثر انداز ہوتی ہے- دراصل اپنی ناتواں قوت مدافعت کے باعث نوزائیدہ بچے موسمی سختی برداشت نہیں کر پاتے اور ماحول اور آب و ہوا کی تبدیلی سے بہت جلد متاثر ہو جاتے ہیں۔
کھانسی بذات خود کوئی مرض نہیں بلکہ یہ دوسرے امراض کی علامت ہوسکتی ہے۔کھانسی اگر مستقل رہے تو دوسرے امراض پیدا ہونے لگتے ہیں۔کھانسی دو طرح کی ہوتی ہے۔ایک خشک کھانسی اور دوسری بلغمی کھانسی۔کھانسی اگر پرانی ہو جائے تو عموماً بلغمی ہو جاتی ہے۔خشک کھانسی عام طور پر وائرل یعنی وبائی ہوتی ہے جب کہ اس کی دیگر وجوہات نزلہ اور زکام یا کسی قسم کی الرجی ہوسکتی ہے۔
عام طور سے زکام کو کھانسی کی اہم وجہ سمجھا جاتا ہے۔کھانسی کی شدت کی صورت میں گرم اشیاء کے استعمال سے کھانسی میں کمی آتی ہے۔بظاہر کھانسی ایک عام سامرض ہے لیکن مرض کوئی بھی ہوجب شدت اختیار کرتا ہے تو تکلیف کا سبب بنتا ہے۔اسی لئے اس تکلیف سے نجات کے لئے کارآمد اور آزمودہ ٹوٹکے ہیں جن کے باقاعدہ استعمال سے کھانسی میں پہلے کمی اور پھر کھانسی ختم ہوجائے گی۔ اس ویڈیو کے ذریعے ہم آپ کو کچھ گھریلو علاج اور کچھ ایسی چیزیں جن کے استعمال سے آپ گھر بیٹھے اپنے بچوں کو کھانسی اور نزلہ زکام سے نجات دے سکتی ہیں۔
اب بات کرتے ہیں گھریلو علاج کی کہ بچوں کی کھانسی نزلہ و زکام کے لیے نہایت مفید ہے۔۔
کالا شہتوت کا استعمال "The use of black mulberry"
کالا شہتوت ایک کلو لے کر بلینڈ کر لیں۔ پھر اس میں ایک کپ چینی اور چار گلاس پانی شامل کر کے پکنے رکھ دیں۔جب پک کر گاڑھا ہو جائے اور اس میں لیس آنے لگے تو کھانسی کی دوا تیار ہے۔ ٹھنڈا کر کے بوتل میں بھر کر رکھ لیں۔بڑوں کے لئے ایک گلاس پانی میں تین چمچ ملا کر پلائیں اور بچوں کو ایک گلاس پانی میں ایک چمچ ملا کر پلا دیں کھانسی ٹھیک ہوجائے گی
"شہد" Honey
شہد تو ویسے ہی شفاء کا خزانہ ہے۔ یہ کھانسی اور گلے کی سوزش میں بھی آرام پہنچاتا ہے۔استعمال کے لیے ایک چائے کا چمچ لیموں کا جوس اور دو چائے کے چمچ شہد لے کر آپس میں مکس کر دیں اور بچے کو دن میں دو سے تین مرتبہ پلائیں۔شہد کو نیم گرم دودھ میں ملا کر بھی دیا جا سکتا ہے۔ایک گلاس نیم گرم دودھ لے کر حسب ذائقہ شہد لیں اور بچے کو دیں۔خیال رکھیں کہ ایک سال سے چھوٹے بچے کو شہد نہیں دیں۔
"لیموں کا استعمال"Use of lemon in cough
لیموں خشک کھانسی اور گلے کی سوزش میں بہت مفید ہے۔اس کے اندر پایا جانے والا وٹامن سی بچوں کے اندر قوت مدافعت کو بڑھاتا ہے اور نزلہ زکام اور کھانسی جیسی بیماریوں سے بچنے کی صلاحیت پیدا کرتا ہے۔طریقہ استعمال کے لیے مچار لیموں لیں ان کا رس نکالیں اور چھلکوں کو ایک برتن میں ڈال دیں۔ایک کھانے کا چمچ ادرک بھی لے کر اسی برتن میں ڈالیں۔اب اس برتن میں اُبلتا ہوا پانی ڈال لیں یہاں تک کہ یہ ساری چیزیں پانی میں بھیگ جائیں۔برتن کو ڈھک کر دس منٹ تک پڑا رہنے دیں اور اس کے بعد چھلنی سے چھان کر ایک کپ میں اُنڈیلیں۔اب اس محلول میں برابر مقدار میں نیم گرم پانی شامل کر کے اس کو پلٹا کر رکھ لیں،ساتھ میں حسبِ ذائقہ شہد بھی ملا لیں تاکہ ذائقہ اچھا ہو جائے۔ایک دن میں دو سے تین مرتبہ بچے کو پینے کے لیے دیں۔ایک سال سے کم عمر بچوں کے لیے شہد کی جگہ چینی استعمال کریں۔۔
بچے کو پینے کے لئے سوپ دیں Give the child soup to drink
چکن کا سوپ بھی ایک سال سے بڑے بچوں میں کھانسی اور نزلے کے لیے بہت مفید ہے۔یہ کھانسی سے نجات دیتا ہے اور نزلہ زکام کے اثرات ختم کرنے میں مدد دیتا ہے۔سوپ گھر میں خود بھی بنایا جا سکتا ہے۔چکن کے ساتھ ساتھ سبزیاں بھی شامل کر کے سوپ کو مزید فائدہ مند بنایا جا سکتا ہے۔گاجر،پالک اور چقندر شامل کر سکتے ہیں۔دن میں دو سے تین مرتبہ سوپ پینے کے لیے بچوں کو دیں۔
سیب کا سرکہ
سیب کا سرکہ بچوں میں بخار کے لیے بہت مفید ہے۔سرکہ ویسے تو ہر گھر میں ہوتا ہی ہے تو اگر چھوٹے بچے کو بخار ہو جائے تو آرام کے لیے آپ سرکے سے فائدہ اُٹھا سکتی ہیں۔ایک تہائی گلاس میں سرکہ اور دو گلاس ٹھنڈا پانی لے کر مکس کریں۔دو چھوٹے تولیے یا جاذب کپڑے لے کر اس میں بھگو دیں۔تھوڑی دیر بعد کپڑے نکال کر نچوڑ لیں اور ایک کپڑا پیشانی پر اور ایک کپڑا پیٹ پر رکھ دیں۔دس منٹ کے بعد کپڑے تبدیل کر دیں۔اس عمل کو تھوڑی دیر تک دُہراتی رہیں یہاں تک کہ بخار کم محسوس ہونے لگے۔
-دودھ میں کالا زیرہ ڈال کر پکا کر چھان کر پی لیں۔کھانسی دور ہو جائے گی۔کوشش کریں شام چار بجے سے پہلے اسے پیئیں۔ساتھ ہی ٹھنڈی اشیاء سے پرہیز کریں
-تلسی کے پتوں کا رس اور ادرک کا رس ملا کر اور آدھا چمچ شہد اچھی طرح ملا کر صبح و شام لے لیں۔ کھانسی کو روکنے کے لیے فائدہ مند ہوگا۔
-چھوٹے بچے کو کھانسی ہو تو چھوٹی الائچی کے دانے پیس کر شہد میں ملا کر چٹادیں
-ایک چمچ لونگ اور دو چمچ انار کے چھلکے پیس کر اس پاؤڈر کا ایک چوتھائی چمچ لے کر آدھی چمچی شہد ملا کر روزانہ تین بار چاٹنے سے کھانسی ٹھیک ہوجاتی ہے
-ہلدی یا گرم پانی کی بھاپ لینا بھی مددگار ثابت ہوتا ہے۔
کھانسی کم کرنے یا روکنے والے مختلف شربت دیکھنے میں بہت بھلے لگتے ہیں۔ جیب پہ بھی خاصا بوجھ ڈالتے ہیں لیکن حقیقت میں ان کا کوئی اثر نہیں ہوتا۔ اس لیے بچنا بہتر ہے۔ تھوڑی بہت کھانسی ہونا فائدہ مند ہے۔ اس سے سانس کی نالی صاف ہوتی رہتی ہے- موسم کے بدلتے ہی اکثر افراد کھانسی ، نزلہ اور زکام کے شکار ہو جاتے ہیں جس سے روز مرہ کی روٹین کافی متاثر ہوتی ہے ، ان چھوٹی مگر پیچیدہ بیماریوں سے بچنے کے لیے کوئی خاص دوا بھی کار آمد ثابت نہیں ہوتی ، لہٰذا ان سے بچنے کے لیے اپنے کچن کا رخ کریں ۔ اور ہماری بتائ گئی ہوم رمیڈی کو فالو کریں۔۔
